![Kursi i kembimit, euro prek nje minimum te ri historik Kursi i kembimit, euro prek nje minimum te ri historik](images/news/euro kursi kembimit minimim i ri historik.jpg)
Rritet konsumi i energjise ne Kosove, KEDS ngre alarmin per kursim
Konsumi i energjisë elektrike është rritur për 12 për qind më shumë krahasuar me periudhën e njëjtë të vitit të kaluar.
KEDS-i ka thënë se kjo rritje rekord e konsumit të energjisë elektrike do të mund të vështirësojë funksionimin e sistemit elektroenergjetik të vendit.
Me rënien e temperaturave në vend, është regjistruar rritje prej 12 për qind e konsumit të energjisë elektrike në krahasim me periudhën e njëjtë të vitit të kaluar, ka njoftuar KEDS-i të enjten, duke apeluar që qytetarët të mos shfrytëzojnë energjinë për ngrohje.
Në një reagim të enjten, KEDS-i ka thënë se “kjo rritje rekord e konsumit të energjisë elektrike do të mund të vështirësojë funksionimin e sistemit elektroenergjetik të vendit”.
KEDS-i ka apeluar që të gjenden alternativa tjera për ngrohje. “Në të njëjtën kohë, qytetarëve u bëjmë thirrje të kursejnë rrymën sa më shumë që të jetë e mundur, në mënyrë që të kemi një dimër sa më të lehtë”, thuhet në njoftim të KEDS-it.
Pas shtrenjtimit enorm të rrymës në bursa ndërkombëtare, KEDS-i ka thënë se blerja me çmimet aktuale është shumë e vështirë dhe e papërballueshme për ekonominë vendore.
Ndër këshillat e KEDS-it ka qenë që të evitohet ngrohja me rrymë, të mos ndizen dritat pa nevojë, të përdoren makinat për larje pas orës 23:00 në verë e 22:00 në dimër dhe të lëshohet bojleri sipas nevojës.
“Apel për kursim sa më të madh të energjisë elektrike po bën bota mbarë, meqë të gjithë do të përballemi shpejt me një krizë të tillë, të paparë ndonjëherë.
Vendet që kanë praktikuar efiçiencën e energjisë përgjatë viteve të fundit, tashmë kanë kosto më të ulëta për konsumatorë, por edhe furnizim stabël. Megjithatë, apeli për të vepruar shpejt në efiçiencën e energjisë kurrë nuk ka qenë më i duhur sesa sot.
Ky apel është qëllim, e qëllimi duhet të përkthehet në praktikë. Të kursejmë bashkë, sepse vetëm kështu sistemi ynë elektroenergjetik nuk vihet në vështirësi serioze funksionimi. Shprehi të vogla, por me ndikim të madh!
Vetëm duke kursyer mund t’ia dalim bashkë mbanë!” thuhet në njoftim. Problemet me energjinë janë paralajmëruar tash e sa kohë, sidomos për dimër kur Kosova nuk i përmbush nevojat e veta me furnizim dhe detyrohet për import.
Është paralajmëruar edhe shtrenjtim i çmimit, ndërsa institucionet s’kanë përjashtuar edhe reduktimet. KEDS-i ka lëshuar një varg rekomandimesh për kursimin e rrymës, duke thënë se edhe hapat e vegjël do të ndihmonin në përmirësimin e situatës energjetike, para stinës së dimrit.
Përdorimi i rrobalarëses e enëlarëses gjatë tarifave të ulëta të rrymës apo me ujë të ftohtë, kursen rrymën. Përdorimi i shkallëve në vend të ashensorit kursen po ashtu.
Për pajisjet e vjetra elektrike, që shpenzojnë rrymë më shumë, KEDS rekomandon që të zëvendësohen me modele më të reja, që janë më efiçiente. Për ngrohjen qendrore që nuk e ka mundësinë e kufizimit të temperaturës përmes termostatit, KEDS rekomandon modifikimin e pajisjeve.
Nevojat e Kosovës për energji elektrike i tejkalojnë kapacitetet e prodhimit, sidomos gjatë dimrit. Kosova ka kapacitet të prodhojë rreth 800 megavate në orë, kurse nevojat e saj, në ditë dimri, arrijnë deri në 1.300 megavate në orë. Këtë diferencë, ajo zakonisht e importon nga jashtë.
Burimi: Monitor https://www.monitor.al/keds-alarmohet-per-rritje-te-konsumit-te-energjise-ne-kosove-keds-i-apelon-per-kursim/
Më të lexuarat
![Kursi i kembimit, euro prek nje minimum te ri historik Kursi i kembimit, euro prek nje minimum te ri historik](images/news/euro kursi kembimit minimim i ri historik.jpg)
![Cmimet i rikthehen rritjes ne maj, per here te pare gjate ketij viti Cmimet i rikthehen rritjes ne maj, per here te pare gjate ketij viti](images/news/inflacioni maj 2024 rritje.jpg)
![788 mln euro nga turizmi ne 3 mujor, por nje i huaj shpenzoi me pak se vjet 788 mln euro nga turizmi ne 3 mujor, por nje i huaj shpenzoi me pak se vjet](images/news/instat turiste te ardhura shpenzime raporti.jpg)
![Rishikohet buxheti, rrogat e reja te administrates miratohen kete muaj Rishikohet buxheti, rrogat e reja te administrates miratohen kete muaj](images/news/paga administrate qershor rritje buxheti.jpg)
![Zgjedhjet europiane, perparon e djathta ekstreme, EPP merr shumicen e votave Zgjedhjet europiane, perparon e djathta ekstreme, EPP merr shumicen e votave](images/news/zgjedhjet europiane partite e djathta ekstreme.jpg)
![Sot provimi i dyte, 28 mije maturante i nenshtrohen provimit te Gjuhes Shqipe dhe Letersise Sot provimi i dyte, 28 mije maturante i nenshtrohen provimit te Gjuhes Shqipe dhe Letersise](images/news/matura provimi dyte gjuhe letersi.jpg)
![Raporti: Cmimet e larta te pronave, shkak pastrimi i parave dhe investimi ne shtepi bosh Raporti: Cmimet e larta te pronave, shkak pastrimi i parave dhe investimi ne shtepi bosh](images/news/prona cmime te larta raporti shqiperi.jpg)
![Sot protesta e opozites para bashkise se Tiranes, rruget qe bllokohen Sot protesta e opozites para bashkise se Tiranes, rruget qe bllokohen](images/news/policia protesta plan masazh rruget.jpg)
![2023, rreth 15 mije persona te punesuar online ne Shqiperi 2023, rreth 15 mije persona te punesuar online ne Shqiperi](images/news/puna online shtepi raporti.jpg)
![Shqiperia po zbaton 6 projekte rrugore te rrjetit TEN-T, 137 km me kosto 1 mld euro Shqiperia po zbaton 6 projekte rrugore te rrjetit TEN-T, 137 km me kosto 1 mld euro](images/news/projektet tent shqiperia segmentet.jpg)